Sobar vorsanche kallza dar mhojea jivitantlem
Darun zal’lem marlem hanvem ghott talem
Aikon Jezucho mogacho tallo uggtem hanvem kelem
Xonna bhitor Jezun Tachea mogan tem bodolem
Jezu zaun asa ekloch mhozo Soddvonndar Dhoni
Manun hanvem ghetlem, attoun chintam mhojea mon-i
Patki jivit mhojem kitlem darun, ailem mhojea dhean-i
Mhaka lagon Jezun rogot ghamelo molleant Ghetsemani
Astanam hanv mhojea khasgi magnnear
Aikolem tednam hanvem Devachem utor
Jivit Tunvem ghalaim mhojea hatar
Sompurnn nhoi tem axea vondd’nea bogor
Tednam Sorvos mhojem Jezuk somorpilem
Soda khuxi Tachi kortam mhunn bhasailem
Tednam vhodd ojap mhojea jivitant ghoddlem
Att vorsanchi penkdda dukh nopoit zalem
Tum-i aik aiz Tacho tallo
Uleak tachea di aiz tum pallo
Kedo vhodd zalear-i tujea patkancho dhallo
Bogxitolo Jezu, To zaun asa khalto bholo
Hea utra pasot, Tuka argam ditam
Lokam mukhar Tuka porgottam
Mog korunk Tuzo sodam axetam
Ienneak Tujea hanv rakhon rautam